獨立經營的音樂表演空間(Live House )突然在香港及台灣都因政府政策而面臨結業的命運。好消息是台灣的女巫店不關門(新聞)了。不過香港的Hidden Agenda命運仍有待揭終。各位熱心人士請關注及支持Hidden Agenda。
以下轉載Hidden Agenda在Facebook的文章︰
Hidden Agenda的28日後 by Kimi Lam
av Hidden Agenda den 26. mai 2011 kl. 23:29
正如月頭所說的，其實有曬心理準備隨時收皮。不過真係愈逼愈近，火燒眼眉。
一次又一次既政府部門到訪，嚇都嚇都破膽。
今日收到信，手都震埋，可以點做？可以點做？
一年幾來，同HA咁多朋友，日日都諗，我地點樣可以做好D？點樣可以改善個環竟，然後一手一腳將佢地變出來，講起都覺得神奇！租HA時，個地爛既，D光管就響頭売頂，D門爛既…..然後我們十多人，日日都油油油到天光，自已一手一腳整個場，Happy一個人，拉曬成個場既電，音響唔夠，各位朋友即刻借過來，當時我意識到大家都好希望擁有一個真正既Live House, 這個用友情，汗水，青春換返來既地方。正如我地成日講，HA唔係亞和既，唔係我既，而係大家既。
對於去經營一個Live House, 我地無經驗，由舊HA到而家，自已慢慢學，去參考世界各地既Live House, 去聽各界朋友既意見，因為我地眼中，無野係學唔識！只係有無心去做。
每聽到一個人話：「我真係好鐘意HA！」真係會滿心微笑。
開左6個幾鐘頭會，累到企都訓得著呀。不過一開電腦，見到下面個畫面，真係眼水都流埋出來。
，
無諗過真係有咁多人為左HA出聲！今日收到各界電話，真係好多謝好多謝大家。
有你地支持，我地堅信，香港真係需要HA, 只要我地堅持，我地一定可以渡過難關。