剛收到讀者的問題
其實首SS14 喺咪想翻唱 椎名林檎首流行架？
唔好意思，呢首鍾舒漫 鍾舒祺 《SS14》原來係在上年十月廿七日推出，果時仲佔領緊真係冇聽過呢首歌。有冇抄？稍有聽覺都應該可以聽到這作品會是based on 呢首作品而做吧？不過在香港樂壇算是十分平常之事，樂迷依然會話︰兩首歌都唔係完全一樣，又點會係抄呢。嗯，椎名林檎不嬲都係香港歌手積極模彷歌手，何韻詩早期形象就是抄椎名林檎，鍾舒漫同公司的容祖兒《桃色冒險》便是山寨椎名林檎，當然仍然獲得各台厚愛。咁呢首又算得上咩呢？
呢首其實算係抄歌之中抄得算係好好的一首，在各方面都做得好好，鍾兩姊妹的「潮女孩」造型都好refreshing，家姐hipster vintage細妹urban涉谷都好好，唔介意倒模抄人家的話，更加要讚佢抄得好⋯⋯其實係咪呢？
不過，抄歌已見慣，最令人可悲的是歌詞
「讓微妙藥性激發系統伊波拉也死」
在全世界還在伊波拉的驚恐之中，仍然在與伊波拉搏鬥的時候，非洲仍然有病毒的受害者之時，寫得出這種歌詞的，我覺得我可以刻薄一點，填詞的不是無知就是涼薄，或者是兩者皆是。
作曲：鍾舒漫/鍾舒祺
作詞：黃厚霖/謝索滴
編曲：謝浩文/黃兆銘
監製：謝浩文