我是歌手容祖兒？

經《樂觀》及《天然呆》後，以為容祖兒由黃偉文主理的大碟將不會走大眾路線，點知年都未過容祖兒就推出新歌，翻唱張學友九五年自己作曲的《這麼近（那麼遠）》，哇，Alex Fung 越編越大器，把這首九十年代經典「K歌」編得十分豐富及大器，層層遞進；容祖兒亦唱得肉緊投入，每一字每一句都好用力唱得很投入，尾段的爆seed亦很強勁，充滿氣勢，整首作品很有舞台劇的劇感，單聽已有唱歌七情上面的畫面。

咦，喂，等等，點解呢D 畫面仲諗起一D 觀眾好投入醄醉o既片段？咦，等等，呢種每一隻字都梅得咁細，唱得咁用力的唱法，點解咁似大陸果個好受歡迎的歌唱節目？果個，《我是歌手》，果個被笑為「鳴叫」的音樂節目喎。

【我是歌手】的音樂班底本身就是香港音樂人，彈琴的是黃丹儀，而音樂總監是梁翹柏，雖然被鬧「鳩叫」，但是其實音樂都是大陣象都是十分大器，喜歡這種傳統「大器」音樂的樂迷當然會愛不惜手啦。容祖兒將【我是歌手】模式搬落派台作品上，則擺明是食條【我是歌手】的水，亦係為試翻唱市場的水溫，睇下自己有冇市場，既簡單又環保又有經濟效益，對一個商業歌手來說，何樂而不為。

不過，既然係充滿住【我是歌手】的影子的歌，點可以冇【我是歌手】的現場觀眾的投入表情以及一眾掌聲及評語？睇住呢個片，確實係覺得首歌好聽左好多喎！