在最近一期【東Touch】裏有Swing的訪問，當中二人提及一些新碟的內容，首要是旋律要易記，其次是要所有作品都是二人共同創作。新碟暫時只有兩首慢作，其餘均為upbeat作品。他們更透露一直不復出的原因是基於Jerald與英皇的合約問題。而且他們亦透露7月18日會有小型音樂會。
節錄自【東Touch】
B80-87 | FEATURE 2009-06-16
Swing Swang Swung Swinging
J：嗱，再答埋你，新碟會有big band、慢歌，有Eric元素，亦有我嘅元素。
J：Swing合約係英皇嘅，我唔做就毀約，解約有個條件，7年內唔可以做幕前，如果要再做幕前，一定要俾first choice佢哋，佢哋唔簽，我先可以搵其他公司。
E：佢份約啱啱4月先完。
J：所以我等到而家先出嚟囉。
T：嚟緊一年會主力做Swing還是會兼顧各自的幕後工作？
J：我自己會專注Swing，今年同明年，Swing工作會排第一，我同所有認識嘅行家講明，如果配合到時間，都樂意合作，但Swing一定行先。
E：我就唔係同行家咁講，我話你哋有嘢就即刻搵我，Swing嗰刋係排第二嘅，哈哈哈！
T：復合後有冇安排好工作？
E：7月18號有個小型音樂會，可能下年會有賣飛concert。
E：最想講係今次新碟有好多理念，第一，standard要高，高嘅意思係melody要易記，80年代外國那種pop，但其實愈簡單愈難，因為簡 單嘅已經被人用盡，又唔可以似；第二，每首歌都要兩個人一齊做，佢會拉到我好遠，我又會拉佢返過嚟，好好玩。暫時只有兩首慢歌，其他都係upbeat嘢。
T：搵邊個填詞？
J：林寶、Wyman、Riley，仲有陳詠謙，佢係Vega其中一個成員，幫我唱過和音，側田同Kary首〈山歌〉係佢填詞。
E：我哋第一首派台歌就係陳詠謙填詞，叫〈我有貨〉，因為〈大大公司〉執笠，〈我有貨〉就講公司重開。