【講真港音】讓想法自由飛，無謂再搵黃偉文或假手於人

Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168 Deprecated: Using null as an array offset is deprecated, use an empty string instead in /customers/7/8/2/c3kb8z3t9/webroots/www/home/wp-includes/class-wp-block-type-registry.php on line 168

這週我很落力地聽中文歌，忽然覺得這是個久違了的中文歌熱鬧期。聽陳珊妮及林宥嘉《如同悲傷被下載了兩次》，不見一陣的陳珊妮，雖然依然是那種電子流行，加入林宥嘉也變不出太多新意思，還是開心的。其他的，薛凱琪is officially dead，基本上不用再聽不用再留意；陳詠謙自作自唱《寫妳太難》又係果類一式一樣打印式主打歌，雖寫自己的戀愛敗事，依舊陳腔濫調，原本想話佢唱好過填，而家不知他填得較好還是唱得較好；周華欣《小聰明》又是那些唱作人的「簡單歌曲」，聽得過半首歌算是厲害；KOLOR《東西南北》又係那類心路歴程作品，唔⋯⋯

好啦，然後，有到有幾首歌音樂上都係較對板的，點知一聽歌詞就是一個反高潮。周國賢這次推出新歌《我們都不是無辜的》，當年火爆過、有趣過一陣子的周國賢又係變返果類世界仔的平易近人音樂，呢首情歌上盛，似劉浩龍果款，I Love You 的煽情更係韓國情歌級數⋯都唔緊要。一見填詞黃偉文，又來聰明把戲，將情人分手一方面戲劇化，將對方悪魔化的情況寫出來⋯⋯係囉，分手係兩個人的責任，呀媽原來係女人，唔講真係唔知。

呀媽係女人真係好難明的，Rubberband 新歌《挾持》其實都係一首質感好好的情歌，但點知今次搵黃偉文填，原來係幫緊「沉默的大多數」去講出原來佢地心目中的天使只係被挾持咋。哇，我唔出聲支持反政府其實都係因為被荷包所挾持咋。這類衰過左膠式的情懐，難聽過粗口。

C AllStar《紅館夢》再來New Wave、synth pop 影響的快歌，整首作品在製作上各方面都是比起以往更上盛更成熟，向Jerald 偷師的transition 亦好smooth 好好。點知一睇黃偉文填詞的歌詞我就即刻反白眼。呢類紅館主題曲，呢類自我鞭策的主題呢十幾廿年每一個歌手都總有一兩首，喂，真係仲唔夠？「紅館夢 紅館夢 擴張 ／ 明星夢 明星夢 在漲」，真係老土到令人打冷震；唱紅館又唱紅隧，然後轉個頭又話「仍能毋忘初衷唱」，喂，呢類天真浪漫童話的情懷呃細路都仲得o既，但C AllStar的聽眾由2009年開始聽起都至少中六到大學吧，仲以為仲信呢一套？

可惜，C AllStar的形象及發展旅程來計，其實可以賣更加edgy 更加獨立的態度的，但拍埋上一代的黃偉文，又要發紅館夢但又要話自己唔自在唱乜都一樣，其實又係依然屈服於一貫的「紅館主流意識形態」，又係歸邊於以前歌手那一套，走不出新色彩。

最後，想不到最有希望的新唱作人李拾壹《小李》一樣樣，《小李》想搞笑搞鬼，竟然搵林一峰填詞，基本上又不啜核又不準確，《少年圍揼的煩惱》自己填不是更好笑更生鬼嗎？如果想爆笑，不如搵高登巴打填吧，應該比現在《小李》的效果好百倍了。

其實識字的識寫字的有想法的，點解仍然要沉迷在香港不健康的舊音樂工業的模式，係都要搵那些「大師級」詞人？有手有腳，你都唔會要人抬要人搬啦，仲搵黃偉文填，敬老定係要搶媒體關注呀？尤其係新一代沒有走舊一套明星模式的單位，如要立新，就必要破舊，很簡單的。

唉，sorry ，不過咁啦，最後都係聽返陳珊妮同雞蛋蒸肉餅好過啦，雞蛋蒸肉餅《榴蓮乜乜乜》新碟首張作品來個大提升，這作品應是這數年來最出色的一首香港主打歌，math rock加上一點Public Service Broadcasting ，忽然顯出了一隊流行大band 的風範；歌詞這次簡單直接，直接回應政治現況，流麗動聽，雞蛋蒸肉餅新碟要留意咯。