【感音一週】是「希望」在每週日刊登一次的新專欄，目的是為大家搜羅一週裏好的音樂及值得留意的話題，讓本網到大家都可以跟著時代走，知道好的音樂的存在；同時或在恥笑差勁音樂的話題中不脫節。
你有興趣在我們平台上發表音樂專欄、碟評或一切音樂文字嗎？有興趣客席主持【感音一週】嗎？無任歡迎。
十一月十八日 好天氣
本週發現 港式少女樂隊CHOCO
這個星期才認識這隊香港全新女子樂團CHOCO。簽旗下有戴夢夢等歌手的大名娛樂的Choco或者會很難令人對她們有興趣。不過，聽過歌曲，再了解一下她們背景，才知道四個女仔真係玩band 出身，自己彈樂器，自己作曲作詞編曲，加上係全女班，算係香港主流樂壇從未見過，單係咁様已值得支持。
Read More…
再聽她們在903的訪問，不說背景，單憑她們典型kawaii式的少女說話方法及那種「傻豬」式內容，你仲以為佢地係英皇歌手。Choco好港式少女，但當講到音樂時，又發覺呢幾個女仔係有D野。其中Bass手Cathy說原來組band前唔識彈bass，係因為想同佢地幾個好朋友一齊夾band所以就學，好青春哇。再來佢地講到佢地的音樂係要開心少女，亦講話搖滾唔一定要男人亦唔需要好「rock」，有自己一套哇。
Choco有元祖級的Davy Chan及C.Y.Kong做監製，粗略聽到Choco在樂器與人聲的編排在香港流行樂壇來說還是mix得算到位。Choco的音樂亦簡單直接，旋律及主音聲音較接近日系J Pop的光譜。而且，除了基本結他bass鼓等外沒有再多加音效，「band sound」的定位很好亦有真實感。
再發現原來幾個女仔的首張EP【Everybody Listen To Me】原來早在九月推出，何解冇乜聲氣？再睇903流行榜，原來只有一首歌上榜，最高只上過十四位，最高係新城997都只係上過第八位。喂，Choco呢隊全女生樂團唔係最多人buy 但至少都叫REFRESHING啦，講到尾未又係因為佢地唔係簽英皇或環球囉。
本週焦點 宇宙人《我討厭你》大唱台灣女生好easy
Read More…
宇宙人第二張專輯【地球漫步】快將推出，上一張專輯扮鬼扮馬很幽默又很funky的他們其實很有「新」糯米糰的感覺，這張新專輯就似乎擁抱電音，在音樂製作上更大膽更得心應手。首支單曲《一起去跑步》就像是盧廣仲X馬念先的出色單曲。最新單曲《我討厭你》就更電器化更funky，主軸很Human League但亦有不少新電音如Justice等的聲音，當中的電結他亦似是有向The Whitest Boys Alive 學習，不過整體卻做得到位出色，想不到宇宙人可以這様大躍進。
不過，最有趣的是歌曲主題「Taiwan Girls are easy」及MV的配合。台灣或香港女生特別喜歡外國金髮男生已不是新鮮事，MV將台灣辣妹與外國人樣的櫥窗公仔放在舞台上，簡單聰明又搞笑。
本週話題 蔡楓華唱痴情司
Read More…
蔡楓華在演唱會唱《癡情司》實在係本週FB上最弔詭的一幕。弔詭在我唔知道究竟有幾多人真係欣賞蔡楓華唱呢首歌定係在恥笑佢。不過呢，現場觀眾錯哂的拍子掌聲，亦係呢段片另一詭異事。
本週新碟 你安安靜靜地躲起來
盧凱彤 【你安安靜靜地躲起來】
由開朗掀起到要躲起來，盧凱彤這次展現的是黑暗的一面。碟評不日推出。
本週問題 林德信，你點睇？
林德信，林子祥兒子，環球算做落本製作，輕輕鬆鬆的acoustic 風格有一點早期的古巨基。又係舒文監製啊。你喜歡嗎？他有機會嗎？歡迎發表偉論。
其中宣傳文案節錄︰
對他而高，最魔幻的是自家創作能成為首支派台主打，更不可思議的是能得到樂壇首屈一指的音樂猛人︰舒文、Joey Tang協助，既豐富了歌曲的編製，亦加強了結他伴奏的結構，令作品更見完美！
坦白講，Choco 呢隊野真係稚嫩左少少。無論從編曲到vocal 既咬字，都似乎需要大執先上到檯面（唔信你聽下everybody listen to me)。 如果短期內無咩改進，我睇唔到香港樂壇有佢地容身既地方。
Hey, 你哋個 “read more” collapse 好唔明顯。
不如唔好 collapse 啦，又或者喺個頂整個目錄？
好在我睇 RSS 啫，唔係乜都 miss 晒…