【轉載】 EP當道 大碟 Bye Bye
文章轉載自蘋果日報 是日放題 2： EP當道 大碟 Bye Bye 2010年12月30日 筆者︰蔡俊業（ 微博／部落格 ） 事實勝於雄辯，唱片銷量連年跌，賣過萬要切燒豬還神；逆市下，唱片公司要生存甚至賺錢，就要識慳家。昔日一線歌手必出大碟， EP頂盡用來為新人試水溫，然而今年 E神和祖兒連推兩張 EP，冀密食當三番，不禁問，此趨勢難道意味大碟沒落？ 記者：蔡俊業 EP慳錢風險低 EP，英文全寫 Extended Play，直譯「延長播放」，意即相對單曲播放時間較長，又稱「迷你專輯」。資深樂評人馮禮慈謂 EP在香港歷史中早有之，只是市場上較少見。「外國和日本都多，我想是市場原因吧，香港人覺得買大碟抵啲！」他說，近一、兩年出 EP的歌手越來越多，市道差絕對是關鍵，因賣碟比以前少，但印唱片如封套印刷的成本難降，惟有向歌曲數目埋手，「每首歌都要曲、詞、編、監又要錄音，以前 做 10首，做少 4首歌就可以慳一筆。」據行內人士指出，現時一首推出市場的歌曲，製作費介乎 4萬至 6萬元，以前推算，出 6首歌的 EP比大碟出 10首歌省回至少 16萬，「要捧一個新人，出 EP可以慳四成甚至一半錢，邊個都會咁揀啦！」自從數碼世代降臨後，馮禮慈直言網上已取代 CD成為聽歌的主要媒體，「網上聽歌係唔係一張唱片都已經唔重要，因為畀錢買，或者聽 streaming都係逐首聽，一首陳奕迅，一首謝安琪，就算下載雖然都係話 download呢張唱片，但（大）碟的觀念已逐漸消失，尤其年輕一代！」更何況，新一代做事習慣 multi-tasking，注意力短，「一張專輯要聽 10首歌，真係無咁多耐性。」 貴精不貴多 記得林夕說過，只做 EP的話，推出一張有風格的唱片模式會完全消失，陳奕迅和容祖兒等一線歌手今年也改出 EP，是否暗示廣東大碟已沒落？「如果長遠去睇可能會，但唔係兩、三年就無晒，即使在網上賣歌，大碟和 EP的單位仍會保留，歌手只出單曲，儲儲埋埋，點都會有張精選碟啩！如果 100蚊張唱片無人買， 60蚊有，點解唔出 EP，同埋大牌歌手出 EP無咩蝕底，好的話全部都 hit，無理由一定要出十首歌。」馮禮慈續說。而負責播歌數榜的周國豐亦說不抗拒 EP成主流，「日本都一直有 Single，問題在於歌曲是否好聽，如果只得一首歌但價錢合理，我接受的。」他說有跟唱片公司談過，研究能否以網上下載歌曲取代實體 CD，惟始終港人付錢下載慣性不高，難度較大。銳哥亦說，唱片工業不斷萎縮，出 EP只是生存之道，可以多賣兩轉。「大碟正常批發價賣 80蚊， 5千隻就 40萬，出 EP成本減一半，批發價約 60蚊，賣 …