農夫【奇蹟】是怎樣煉成的

Rap可以興幾耐,點樣同流行曲比賽?回眸農夫十數載,新意依然陸續來。但乜嘢題材都試過,似乎好難再有新突破。仲要繼續 Rap歌?長遠睇真係無好結果?果然【奇蹟】有奇蹟,Rap到招招積積,歌詞尖銳出色,落點夠晒刺激。幽默有,感動有,叫人反省都有,內容比【O’FAMA】充實豐厚,製作比【富甲天下】用心優秀。【奇蹟】分東西,各自各生輝,各有各路軌,夥拍新創作單位,用上正宗本土米,新思源拓新邊際。既然農夫【奇蹟】分開兩個監製,我哋都要有計仔,就由 MC Chikin 同 MC 百合斬件睇睇。