亞洲星光大道五個重點五個改進

首輯亞洲星光大道終播放完畢,最終由羅力威贏得冠軍,亢帥克以零點一分之差得亞軍,蔡梓銘得季軍,而陳蕾得第四名。

整晚決賽有五重點︰
1. 亢帥克在當晚表演穩定而出色,雖則要挑剔的是演繹略欠變化及情感內涵上略欠,但以參賽者角度已經超額完成。
2. SMS投票實為笑話一個,佔總得分多少等也是欠透明度,難免讓人覺得亞視造馬。
3. 樂隊一如以往差勁,今集更是醜態盡出。
4. 評判變成觀眾,評語大都沒建設性。
5. 整體參賽者表現亦不俗,算是不錯的決賽大結局。

既然要有第二輯,而節目又有一定口碑及支持者,亞視不妨可參考以下要改的地方,讀者你們也歡迎提出意見。

1. 去掉自娛(愚)參賽者稱號,如什麼靚聲女王
2. 換掉樂隊,總之要至少合格的
3. 改變評分方法,改為易明具體的方法,如每位評判五分為滿分
4. 製作人員莫再出醜,要用心製作,如別再add lip
5. 早段比賽可以加快節奏,別再溫溫沌沌

8 Replies to “亞洲星光大道五個重點五個改進”

  1. 除o左換o左隊「散修修」o既band,仲有換走以下三位:
    1. 劉以達 (真係好廢,唔開口就隱形,一開口即死)
    2. Walter Ma (其實佢幫參賽者執過晒後o既形象真係唔差,但嫌佢評語空泛兼太過譽)
    3. 林曉峰 (爛gag太多,一個曾寶儀已經好夠)

    評分正如 damon 所講,要增加透明度,俾觀眾同參加者睇到每位評判所俾o既分數,以免有造馬之嫌
    同埋唔好每個評判俾 commment 後就replay,好煩

  2. 劉以達係咁多評判最好嗰個! 至少講真話,唔會好似周國豐同吳國敬廢噏,扮哂權威!

  3. HELLo其實我是一個台灣星光大道忠實fans,你說sms缺乏透明道….但其實這是台灣星光大道.五時用的方法….
    我並不覺我做馬呢…..評審意見對分數只是一個參考咋….

  4. I think 林曉峰 is Ok~
    He soothes the nervous contestants well with 阿寶
    I don’t like Walter Ma most….
    He can stay as a image shaper,
    but he is no way a qualified judge of a singing contest~

  5. 大致同意,唯一DISAGREE的是:
    1. 去掉自娛(愚)參賽者稱號,如什麼靚聲女王
    我反而認為這些稱號有助為參賽者建立更鮮明的形象!

  6. 劉以達係有實力但唔識講野,留意返八十年代樂壇都知劉以達其實夠實力做評判,只係佢實在唔識講野先淪為無知婦孺口中既呃飯盒評判。咁當然,佢做緊一個節目而唔係只係比賽既評判,要多D出聲係基本要求,但其實無咩必要質疑佢夠唔夠班。

    所謂唱紅臉白臉,其實飛起林曉峰只要阿寶一個,阿寶係擔唔起大旗,到時又想變劉美君第二咩。

    稱號呢樣無人話唔要,但問題係唔好咩靚聲女王同中大歌神囉,道路收費員同豹哥幾過癮。

Leave a Reply

Your email address will not be published. Required fields are marked *